د هرات پوهنتون د علمي شورا غونډه ترسره شوه.
د هرات پوهنتون د علمي شورا غونډه نن د شیخالقرآن او الحدیث مولانا عبدالغنی حقاني، د پوهنتون د رئیس په مشرۍ، معاونانو، پوهنځیو رئیسانو، آمریتونو او استادانو په شتون کې د شورا په تالار کې ترسره شوه.
غونډه د قرآن کریم د څو مبارکو آیتونو په تلاوت پیل شوه. بیا د هرات پوهنتون رئیس د روژې د مبارکې میاشتې په مناسبت ګډونوالو ته مبارکي ورکړه او د عباداتو د قبولیت هیله یې وکړه. هغه د علمي او اداري چارو په پر وخت رسیدګۍ ټینګار وکړ او له مسؤلینو یې وغوښتل چې د همغږۍ او یووالي پر بنسټ د چارو په پرمختګ کې همکارۍ وکړي.
هغه همدارنګه د امیرالمؤمنین (حفظهالله) د عالي امرونو پابندي مهمه وبلله او اخلاص، ژمنتیا او د دندو په جدي ترسره کولو ټینګار یې د پرمختګ لازمي شرط وبلله. رئیس یادونه وکړه چې اصلي موخه د پوهنتون د یو نمونه او معیار علمي بنسټ په توګه بدلول دي.
وروسته د غونډې ګډونوالو د ماسټرۍ پروګرامونو کې د محصلینو د منلو شرایطو، د پوهنتون علمي مجلې لارښوونو د تصویب، د مرکزي کتابتون لپاره د نوې فورمې په اساس د کتابونو ترتیب، د طب پوهنځي د پاراکلینیکي څانګو انتقال تدریسي روغتون ته، د ترفیع دوسیو، د استادانو تثبیت او انفکاک، د اسلامي فرهنګ څانګې درې استادانو د علمي هیئت په دایمي ترکیب کې شاملول، د پوهنتون د کتابونو او درسي موادو د څېړنې او مطالعې په اړه بحث او نظر تبادله وکړه او اړین پریکړې یې ونیولې.
