**ورکشاپ نیازسنجی نصاب تحصیلی پوهنځی ساینس* *

کمیتۀ نصاب پوهنځی ساینس پوهنتون هرات با همکاری ریاست و دیپارتمنت‌های چهارگانه ریاضی، فزیک، کیمیا و بیولوژی ورکشاپ نیاز سنجی نصاب تحصیلی خویش را با حضور ذینفعان این پوهنحی که شامل  پوهنځی‌های طب، ستوماتولوژی، زراعت، اقتصاد، کامپیوترساینس، تعلیم وتربیه، انجینری، علوم وترنری و همچنین شماری از نماینده‌های ریاست‌های صحت عامه، مستوفیت، مخابرات، معارف و آبرسانی را در سالن کنفرانس پوهنځی ساینس برگزار نمود.
برنامه با تلاوت کلام الله مجید آغاز گردید. سپس پوهنوال محمد زبیر عزیزی رئیس پوهنځی ساینس، ضمن خیر مقدم به مهمانان، به ایراد سخن در مورد اهمیت نیاز سنجی نصاب تحصیلی پرداخته و متعاقبا استاد رحمت الله فقیری نصاب پوهنځی ساینس را تشریح نموده و شیوه ارائه نظریات و پیشنهادات را برای حاضرین توضیح نمود.
در پایان اشتراک کنندگان نظریات خویش را در فورمه‌های نیازسنجی به شکل کتبی به اشتراک گذاشتند.