د هوا له ککړتیا څخه مخنیوی
د هرات پوهنتون د ظرفیت د لوړولو عمومي مدیریت یو سیمینار د هوا له ککړتیا څخه د مخنیوي په اړه د پوهنتون اداري کار کوونکو او د امارت اداري استازو ته وړاندې کړ.
دا برنامه د قران کریم د څو مبارکو ایتونو په تلاوت سره پیل شوه، ورپسې د هرات پوهنتون اداري او مالي مرستیال ملا انعام انعام د غونډې ګډونوالو ته د ښه راغلاست ویلو تر څنګ، د دې موضوع ارزښت او اهمیت هم بیان کړ. هغه وویل: چاپېریال ساتنې ته پاملرنه او د هوا له ککړتیا څخه مخنیوی د نن ورځې یو له مهمو بحثونو څخه ګڼل کېږي. د هرات پوهنتون هم په دې برخه کې مسؤولیت لري تر څو په دې برخه کې فرهنګ سازي وکړي او د خلکو د پوهې عمومي سطح لوړه کړي.
د غونډې په دوام د زراعت پوهنځي استاد پوهندوی محمد نظیر سکندري د هوا د ککړتیا تاریخي مخینې، د هوا ککړوونکي مواد، د هوا د ککړتیا له امله رامنځته کوونکي بحرانونه، د نایتروجن اکسایدونه، د هوا د ککړتیا جانبي عوارض او څوک د هوا د ککړتیا نه ډېر اغېزمن کېږي او داسې نور موضوعات د غونډې ګډونوالو ته وړاندې کړل.
دا برنامه د پوښتنو او ځوابونو نه وروسته پای ته ورسېده.
