د دعوت او ارشاد امريت د پوهنتون د هغه اداري او خدماتي کارکوونکو څخه چې د دوی په درسونو کې يې ګډون کړی ؤ، ازموينه واخيسته.
د هرات پوهنتون د دعوت او ارشاد امريت د ديني او فقهي سطح د لوړاوي په منظور د درسونو لړۍ پيل کړې وه، چې نن يې د دغې لړۍ يو ازموينه واخيسته.
دا ازموينه چې دوې ورځې يې دوام درلود، د پوهنتون د کارکوونکو د ديني زده کړو د ميزان معلومولو لپاره واخيستل شوه.
د پوهنتون کارکوونکو د دغو درسونو څخه خوښي څرګنده کړه او هغه يې د خپلو ديني زده کړو په لوړاوي کې مهم ګام وګاڼه. هغوی د دا ډول ګټورو برنامو لو غوښتونکي شول.
د هرات پوهنتون د دعوت او ارشاد امريت هم د دغه بهير پر دوام ټينګار وکړ او ويې ويل: چې دا ډول په نيږدې راتلوونکي کې نورې هم په پام کې نيول شوې دي. تر څو يې پر مټ د پوهنتون د اداري کارکوونکو ديني سطح لوړه شي.
