د هرات پوهنتون اداري غونډه
د هرات پوهنتون اداري غونډه د هرات پوهنتون د رئیس پوهندوی عبدالعزیز نعماني ، د استادانو د چارو آمر او د علمي چارو سرپرست مرستیال پوهنمل رحیم بخش فقیر یار ، او د پوهنتون د بېلابېلو پوهنځیو د رئیسانو او استادانو په حضورکې، د پوهنتون د ریاست په دفتر کې ترسره شوه . غونډه د کلام الهي د آیاتو په تلاوت سره پیل شوه وروسته د هرات پوهنتون رئیس پوهندوی عبدالعزیز نعماني حاضرینو ته، د خیر مقدم د عرض کولو سره سره، د هرات پوهنتون نقش او دریځ ښکاره کړ او ددې پوهنتون د منسوبینو نه یې وغوښتل تر څو د ددې اکاډمیک نهاد د ځلېدو لپاره له پخوا نه ډېره هڅه وکړي.
د هرات پوهنتون رئیس د تحصیلي نهادونو او د دیني مدارسو تر منځ د اړیکو جوړلو په اړه تأکید وکړ او د غونډې د حاضرینو نه یې غوښتنه وکړه چې په دې اړه د خپلو نظریاتو په وړاندې کولو سره د هرات پوهنتون د رهبري هیأت سره همکاري وکړي . ورپسې د غونډې ګډون کوونکو غړو هم دا وعده وکړه چې د پوهنتون د ریاست سره به ددې علمي نهاد اهدافو ته د رسېدو په موخه هر ډول همکاري کوي. حاضرینو خپل نظریات او پېشنهادات یې وړاندې کړل او په پای کې لازمې پرېکرې وشوې .
