د هرات پوهنتون د ۱۴۴۴ ق.هـ کال د محصل جام د ولیبال پایلوبه
د ۱۴۴۴/ کال، د ولیبال مسابقې چې ټول ټال پکې، د مختلفو پوهنځیو شپږلوبډلو برخه اخیستې وه ترسره شوې؛ یادې لوبې چې په ۱۴۴۴/۲/۵ شروع شوې وې او د(۱۵) ورځو په موده کې سرته ورسیدې، ښایسته او د لیدو وړ لوبې وشوې چې د هنرهای زیبا او تعلیم و تربیې پوهنځۍ وتوانیدلې چې پایلوبې ته ووځي.
ددې پایلوبې په ترسره کیدو سره، د هنرهای زیبا پوهنځی وکړای شول چې د تعلیم و تربیې پوهنځۍ ته د درۍ پر صفر ماتې ورکړي او ددې پایلوبو اتلولي خپله کړي.
ددې پایلوبې د مسابقې په مراسمو کې، د محصلانو چارومرستیال پوهندوی غلام حضرت حساس، د هنرهای زیبا پوهنځۍ رئیس پوهنمل محمدتوفیق رحماني، د محصلینو د خدماتو د انسجام آمر نظام الدین ملکي، د هرات ولایت د ولیبال فدراسیون رئیس عبدالاحمدهاشمي، د هرات پوهنتون د ورزش مسؤلینو او یو تعداد محصلینو ګډون درلود.
لومړي سر کې د محصلینو چارو مرستیال، د هرات پوهنتون د ورزش مسؤلینو او د هرات ولایت د ولیبال فدراسیون له لوري ددې لوبو په لاره اچولو قدردانی وکړه او په اهمیت یې خبرې وکړې، په ځانګړي ډول د پوهنتون د مختلفو پوهنځیو تر منځ یې دداسې ورزشي لوبواو مسابقو جوړولو وعده او د همکارۍ ډاډ ورکړ.
په اخره کې د یادو لوبو د اتلولۍ کپ اوتحفې چې د هرات پوهنتون له لوري برابرې شوې وې، د مېلمنو په لاس لومړیو او دویمو لوبډلو ته وویشل شوې.