د «ژوند مهارتونه؛ په زدهکړو، کورنۍ، واده او دندې کې د بریا کلي» تر سرلیک لاندې سیمینار ترسره شو
د هرات پوهنتون د محصلانو چارو معاونیت اړوند د محصلانو د خدمتونو د انسجام آمریت د مشورې مرکز له لوري د «ژوند مهارتونه؛ په زدهکړو، کورنۍ، واده او دندې کې د بریا کلي» تر سرلیک لاندې یو روزنیز سیمینار د هرات پوهنتون د بېلابېلو پوهنځیو ۶۴ تنو محصلانو ته جوړ شو.
په دې سیمینار کې د مشورې مرکز عمومي مدیر محمد شعیب شهیر د ژوند مهارتونو پر اهمیت او د هغو پر رول خبرې وکړې او څرګنده یې کړه چې دغه مهارتونه د تحصیلي بریا، د کورنیو اړیکو د ښه والي، د بریالي واده لپاره د چمتووالي او په مسلکي ژوند کې د لاسته راوړنو لپاره مهم بنسټ ګڼل کېږي. همدارنګه د ځانپېژندنې، اغېزمنې اړیکې، د فشارونو مدیریت، پرېکړهنیونې او د ستونزو د حل مهارتونو په اړه هم معلومات وړاندې شول.
د دې پروګرام موخه د محصلانو د پوهاوي لوړول او د هغوی توانمندول و، څو وکولای شي د ژوند له بېلابېلو ننګونو سره په اغېزمنه توګه مقابله وکړي او د خپل تحصیلي، کورني او مسلکي راتلونکې لپاره ښه چمتووالی ولري.
