*د هرات پوهنتون د رهبرۍ پلاوي له لیلیې څخه لیدنه او څارنه*
شیخ القرآن والحدیث مولانا عبدالغني حقاني حفظهالله، د هرات پوهنتون رئیس، د پوهنتون علمي مرستیال مولوي محمد موسی فایق، مالي او اداري مرستیال قاري محمد بشیر مجاهد او د پوهنتون د دعوت او ارشاد آمر مولوي عبدالله طیب سره یوځای د هرات پوهنتون له لیلیې څخه لیدنه وکړه.
د دې لیدنې پر مهال، د پوهنتون رهبرۍ پلاوي د محصلینو سره خبرې وکړې، د هغوی ستونزې او ننګونې واورېدې او ژمنه یې وکړه چې د خدماتو د ښه والي او د محصلینو د اړتیاوو د پوره کولو لپاره به هلې ځلې وکړي.
همدارنګه، د دې څارنې په جریان کې، د لیلیې پرسونل ته سپارښتنې وشوې چې د لیلیې د چاپېریال پاکوالي او نظافت په ځانګړې توګه د پخلنځي په برخه کې، د ځانګړو پخلنځي جامو کارولو، له محصلینو سره مناسب چلند کولو او د روغتیایي اصولو په مراعتولو کې لا زیاته پاملرنه وکړي.
د هرات پوهنتون رهبرۍ د محصلینو د چارو له مرستیالۍ، اړوندو برخو او د پوهنتون له کافیتریا څخه هم لیدنه وکړه.
