د ساينس پوهنځي د رياضي څانګې د محصلينو ترمنځ رقابتي برنامه جوړه شوه.
دا برنامه د ساينس پوهنځي د څلورګونو څانګو د محصلينو لپاره په ورځني ژوند کې د رياضي کارولو تر سرليک پيل شوه.
د دې برنامې مراسم د قران کريم په څو مبارکو ايتونو سره پيل شول.
دا برنامه د ساينس پوهنځي د رئیس پوهنيار علي محمد اسماعيلي، د بيولوژي، فیزيک او کيميا څانګو د امرينو او محصلينو په حضور کې د دې پوهنځي د کنفرانسونو په سالون پيل شوه.
پدې برنامه کې محصلينو په هوش مصنوعي کې د رياضي کارول، په بهينه سازي کې د ریاضي کارول، د سټي سکن په تصوير جوړولو کې د رياضي کارول، د کمپيوټر د متلب په وسايلو کې د رياضي کارول، متريکس او مختلفو علومو کې د رياضي کارول، په ورځني ژوند کې د مثلثاتو کاربرد، د ځای په پېژندلو کې د رياضي کارول (GPS)، د رياضياتو پراخ کاربردي په مصنوعي ځيرکتيا او داسې نورو مسايلو بحث وکړ.
دا برنامه د ژوري هیئت په واسطه چې د دې پوهنځي له استادانو نه جوړ شوی ؤ، و ارزول شوه او په پای کې يې ممتاز ګډونوالو ته تقدير نامې په نظر کې نيول شوې چې په يوه بل ځانګړي محفل کې ورکړل شي.
دا برنامه په آخر کې په دعا سره پای ته ورسېده.
