د هرات پوهنتون د محصلینو د علمي او اصلاحي ظرفیت لوړونې سمینار د پرانیستلو محفل
د هرات پوهنتون رئیس شیخ الحدیث ابو الحکمت مفتي عبدالغفار، د پوهنتون علمي مرستیال پوهندوی مولوي عبدالعزیز نعماني، د پوهنتون مالي او اداري مرستیال ملا انعام الله انعام، د استادانو او درنو شېخانو په حضور د هرات پوهنتون د محصلینو د علمي او اصلاحي ظرفیت لوړونې سمینار د پرانیستلو محفل دایر شو.
مراسم د الهي کلام د آیتونو په تلاوت سره پیل شول او وروسته د هرات پوهنتون رئیس شیخ الحدیث ابوالحکمت مفتي عبدالغفار خبرې وکړې وه یې ویل: ځوانانو ته د علمي فرصت رامنځته کول یې د پوهنتونونو یوه اړینه موخه وبلله. همدارنګه هغۀ د دې سمینار د دایرولو موخه د شرعي احکامو پر وړاندې د ژمنې او وفادارۍ تقویت کول، د اسلامي نظام د بقا او استحکام په پار د مسلکي مخلصو او متخصصو کسانو تقویت کول، د علمای کرامو او درنو شېخانو سره د محصلینو د دوامداره مینې او اړیکې تقویت کول د دې سمینار له لارې وبلله تر څو د دې لارې وکولای شو ژمن او متخصص کسان ټولنې ته وړاندې کړو.
ورپسې د هرات پوهنتون د ارشاد او دعوت آمر مولوي نذیر احمد انیق هم سمینار معرفي کړ وه یې ویل: د افغانستان اسلامي امارت د پالیسۍ په اساس یاد سمینار به د هرات پوهنتون، د غور او بادغیس ولایتونو د لوړو زده کړو مؤسسو او د هرات ولایت د پوهنتونونو او لوړو زده کړو خصوصي مؤسسو ۱۵۰ تنو محصلینو ته دایر شي او په هغې کې به درانه شېخان او د پوهنتون استادان بېلابېلې زده کړیزې برنامې تدریس کړي.
