د املا او سملیکنې د سیالۍ پایلې اعلان شوې
د املا او سملیکنې د سیالۍ پایلې، چې د هرات پوهنتون د ښوونې او روزنې پوهنځي له خوا تنظیم شوې وه، د دې پوهنځي د مسؤولانو، استادانو او محصلانو په شتون کې اعلان شوې.
په هغه محفل چې د همدې مناسبت لپاره جوړ شوی و، د ښوونې او روزنې پوهنځي رئیس مولوي صفيالله احمدي په خپلو خبرو کې د اسلامي نظام د ټینګښت پر اهمیت خبرې وکړې. وروسته یې په علمي نظام کې د محصل د مقام او د ټولنې د لیکدود د فرهنګ په لوړولو کې د هغوی د رول یادونه وکړه او د محصلانو پر علمي او اخلاقي مسؤولیتونو یې ټینګار وکړ.
وروسته پوهنمل ډاکټر عزیزالله مجددي، د دې پوهنځي د دري ژبې او ادبیاتو د څانګې آمر، د سملیکنې پر اهمیت خبرې وکړې او هغه یې د ټولنې، په ځانګړي ډول د اکاډمیک چاپېریال له مهمو اړتیاوو څخه وبلله.
د پروګرام په وروستۍ برخه کې، د پایلو له اعلان سره سم، عليشېر احمدي د ارواپوهنې د څانګې محصل، د دې سیالۍ لومړی مقام ترلاسه کړ. همدارنګه محمد شفیع شهیدزاده، د ارواپوهنې د څانګې محصل، دوهم مقام او سید نورآقا احمدي، د کیمیا د څانګې محصل، درېیم مقام خپل کړ.
د مراسمو په پای کې د لومړي تر درېیم مقام ګټونکو ته ډالۍ ورکړل شول او ټولو ګډونوالو ته تصدیقپاڼې ووېشل شوې.
