په ژورناليزم او عامه اړيکو پوهنځي کي د آنلاين پوښتنليک جوړولو سمينار وړاندي شو
د هرات پوهنتون د ژورناليزم او عامه اړيکو پوهنځي د برېښنايي زده کړو او تحقيق کمېټو په ګډه همکارۍ سره د يادې پوهنځي محصلانو او استادانو ته د آنلاين پوښتنليک جوړولو اړوند يو ورځنی سمينار وړاندي شو.
دا سمينار د استاد پوهندوی دوکتور سيد مجيب الرحمن حديد او استاد پوهنيار وحيد احمد آزاد له لوري د ژورناليزم او عامه اړيکو پوهنځي د غونډو په تالار کي وړاندي شو.
په دې سمينار کي ګډونوالو ته د آنلاين پوښتنليک پيژندني، جوړښت، برخي، چوکاټونو، ډولونو، په پوښتنليک کي د محتوا جوړښت او پوښتونو ځای پر ځای کولو ترڅنګ يو شمېر نور مهم مالومات په نظري او عملي ډول ورته وړاندي شول.
د يادې پوهنځي د برېښنايي زده کړې او تحقيق کمېټو مسؤلينو په وينا، ددې سمينار داير کولو څخه يې موخه د استادانو او محصلينو د برېښنايي او تحقيقي علمي ظرفيت لوړول او بلدتيا ډیرول وه.
