مولوي منت الله آخندزاده نن د هرات ولايت د ښارجوړونې له رئيس وکتل

hu_admin
پنجشنبه ۱۴۰۱/۵/۲۷ - ۹:۵۶
""

په هرات کې د لوړو زده کړو وزارت ځانګړي استازي، د هرات پوهنتون مالي او اداري چارو مرستيال او د یاد پوهنتون سرپرست مولوي منت الله آخندزاده نن د هرات ولايت د ښارجوړونې له رئيس عبدالله اکبري او مل پلاوي سره د پوهنتون رياست په د فتر کې وکتل. په لومړي سر کې د لوړو زده کړو وزارت ځانګړي استازي او د هرات پوهنتون سرپرست مولوي منت الله آخندزاده د دغه علمي بنسټ پر پېژندنې خبرې وکړې او هېوادوالو ته د باکيفيته چوپړتياوو وړاندې کول او لازمو آسانتياوو برابرول همدارنګه د دولتي بنسټونو ترمنځ د همکاريو د هوکړه ليکونو لاسليک کول مهم وبلل. دغه راز ښاغلي آخندزاده د نابشپړو پروژو نه بشپړېدل او د پوهنتون د ننه سړکونو نه پخېدل د دغه علمي بنسټ له ستونزو څخه وبلل او د هرات ولايت د ښارجوړونې له رياست څخه یې وغوښتل چې دهرات پوهنتون سره په دې برخه کې هر اړخيزه مرسته وکړي. ورپسې د هرات ولايت د ښار جوړونې رئيس عبدالله اکبري د هرات پوهنتون له مسئولينو سره د ليدنې ترڅنګ، دغوره چوپړتياوو د وړاندې کولو او د خلکو د ستونزو د حل کولو لپاره د دولتي ادارو ترمنځ د هوکړه ليکونو رامنځته کول مهم یاد کړل او ژمنه یې وکړه چې د نا بشپړو شويو ودانيو د بشپړېدو په برخه کې به د هرات پوهنتون سره مرسته کوي. په پای کې راغلیو پلاويو، مېلمنو او د پوهنتون مسئولينو د پوهنتون له بيلابېلو برخو څخه ليدنه وکړه.

تازه خبرونه

سه‌شنبه ۱۴۰۵/۶/۳۱ - ۹:۵۸
Background image

د زراعت پوهنځي د ستراتېژیک پلان د پېژندنې په اړه د پوهاوي سمینار ترسره شو

د هرات پوهنتون د زراعت پوهنځي د پنځه کلن ستراتېژیک پلان د پېژندنې په اړه د پوهاوي سمینار د دغه پوهنځي د غونډو په تالار کې ترسره شو.

دغه سمینار د زراعت پوهنځي د ستراتېژیک پلان کمېټې د. . .

سه‌شنبه ۱۴۰۵/۶/۳۱ - ۹:۵۸
Background image

د نشه‌يي توکو د زیانونو او د کوکنارو د بدیلو کښتونو په اړه د پوهاوي سمینارونه

د نشه‌يي توکو د زیانونو او د کوکنارو د بدیلو کښتونو په اړه د پوهاوي سمینارونه، د هرات پوهنتون د علمي مرستیال او سرپرست، مفتي هدایت‌الله منیب په شتون کې د زراعت پوهنځي د غونډو په تالار. . .

سه‌شنبه ۱۴۰۵/۶/۳۱ - ۹:۵۸
Background image

د آزادو سوداګریزو سیمو په اړه د علمي څېړنې وړاندې کول

د هرات ولایت د مقام له لوري د دې ولایت د متخصصینو، څېړونکو او علمي ظرفیتونو د ملاتړ په موخه د هرات پوهنتون د انجینري پوهنځي استاد پوهندوی دوکتور غلام فاروق ندیم، د آزادو سوداګریزو سیمو. . .

BACK TO NEWS