د هوسا ملت او مسؤل نظام غونډه
دا د هغه مراسمو سرلیک و چې د هرات ولایت د اطلاعاتو او فرهنګ ریاست لخوا د افغانستان اسلامي امارت د اطلاعاتو او فرهنګ وزیر مولوي خیرالله خیر خواه، د هرات ولایت والي شیخ الحدیث مولوي نور احمد اسلام جار، د اطلاعاتو او فرهنګ وزارت خپرنیز(نشراتي) معین مولوي حیات الله مهاجر فراهي، د هرات پوهنتون رئیس شیخ الحدیث ابوالحکمت مفتي عبدالغفار، علماوو، روحانیانو او د امارتي او خصوصي ادارو ځینو رئیسانو په حضور د مولانا جلاالدین محمد بلخي په تالار کې دایر شول.
په دې غونډه کې پوهاند دکتور خلیل احمد آذر د امارتي او خصوصي لوړو زده کړو مرکزونو په استازیتوب وغږید او د خوښۍ څرګندولو ترڅنګ یې د داسې برنامو د دایرولو په اړه چې د خلکو او نظام د نږدې والي لامل ګرځي خبرې وکړې او د هوسا ټولنې لرلو او د ملي ارزښتونو د ژوندي کولو په برخه کې نه یوازې نظام بلکې ښاریان هم د مسئولیت احساس وکړي.
هغۀ زیاته کړه: مسئولیت مننونکې کورنۍ، مدرن، پویا او له نخبګانو څخه ملاتړ کوونکی معارف د ټولنې د پراختیا او پرمختګ په پار له اساسي پایوو څخه شمېرل کېږي.
همدارنګه ښاغلي آذر د افغانستان اسلامي امارت اقتصادي برنامې مثبتې ارزیابي کړې او پر ځینو ستونزو او چالشونو د بریالي کېدو په پار یې اساسي لارې چارې او وړاندیزونه وړاندې کړل.
