د هرات پوهنتون د محصلینو چارو مرستیال د تیکا له رییس سره وکتل
د شیخالحدیث مولانا عبدالهادي ذو الهادي، د هرات پوهنتون د محصلانو چارو مرستیال، د دې علمي بنسټ له یوې هیئت سره یوځای د تیکا دفتر له رئیس ډاکتر عرفات دنیز سره د علمي او بنسټیزو همکاریو د پراخوالي په موخه لیدنه او خبرې وکړې.
په دې لیدنه کې، د هرات پوهنتون د محصلانو چارو مرستیال د تیکا دفتر له همیشنیو همکاریو څخه مننه وکړه او د محصلانو د ملاتړ، د هغوی لپاره د غوره تعلیمي او رفاهي امکاناتو برابرولو پر ارزښت یې ټینګار وکړ. نوموړي وویل: "محصلان د هېواد علمي پانګه ده، او د هغوی لپاره د مناسب تسهیلاتو برابرول د پوهنتون له اساسي لومړیتوبونو څخه دي."
شیخالحدیث مولانا عبدالهادي ذو الهادي زیاته کړه: "دا معاونیت، چې هره ورځ له ګڼو مراجعینو سره په تماس کې وي، د دوامداره برېښنا د تأمین لپاره د سولر سیسټم د ایجاد اړتیا لري، ترڅو خدمات لا ښه شي. سربېره پر دې، د محصلانو لپاره د مناسب ورزشي امکاناتو برابرولو په موخه، د یو مجهز جمنازیوم جوړول او د معیاري فوټبال میدان سمبالول د دې معاونیت له اساسي اړتیاوو څخه دي."
په دوام کې، ډاکتر عرفات دنیز، د تیکا دفتر رئیس، له مېلمنو سره د دې لیدنې هرکلی وکړ، د هرات پوهنتون د محصلانو لپاره برنامې یې د ستاینې وړ وبللې او ډاډ یې ورکړ چې تیکا دفتر به له پوهنتون سره خپلو همکاریو ته دوام ورکړي. نوموړي اعلان وکړ چې دا دفتر چمتو دی ترڅو د پوهنتون د ستونزو د هواري لپاره عملي اقدامات وکړي.
