د هرات پوهنتون د علمي شورا غونډه
د هرات پوهنتون د علمی غونډه د هرات پوهنتون د رئیس پوهندوی عبدالعزیز نعماني، د لوړو زده کړو وزارت ځانګړي استازي او د هرات پوهنتون مالي او اداري چارو مرستیال مولوي منت الله آخندزاده، د محصلانو د چارو مرستیال شاغلی پوهندوی غلام حضرت حساس، د استادانو د چارو آمر او د علمي معاونیت سرپرست پوهنمل رحیم بخش فقیریار، د پوهنځیو رئیسانو او د غونډې د نورو غړو په ګډون د هرات پوهنتون د علمي شورا په سالون کي ترسره شوه.
غونډه د قرآن عظیم الشان د آیاتونو په تلاوت سره پیل او وروسته پوهندوی عبدالعزیز نعماني د هرات پوهنتون رئیس د تیرې یوې میاشتې کاري راپور وړاندې کړ. د پوهنتون رئیس همدا راز د پوهنتون موجوده ستونزې او کړاوونونه په ډاګه کړل.
د غونډې په دوام کي د غونډې غړو د استادانو د تقرر، انفکاک او علمي ترفیعاتو دوسیې وڅیړلې او پر بیلابیلو موضوعاتو باندې له بحث او غور وروسته اړینې پریکړې ونیول شوي.
