د هرات پوهنتون د علمي شورا جلسه وشوه
د هرات پوهنتون د رئیس شيخ الحديث ابوالحکمت مفتي عبدالغفار په حضور کې د هغه مرستيالانو، د پوهنځيو رئيسانو او نورو غړو د پوهنتون علمي شورا وکړه.
د شورا په لومړيو کې د پوهنتون رئيس شيخ الحديث ابوالحکمت مفتي عبدالغفار د تېرې يوې مياشتې په ترڅ کې د خپلو کړنو راپور وړاندې کړ، په همدې ډول د هغه مرستيالانو او د بېلابېلو پوهنځيو نورو رئيسانو د خپلو کړنو راپورونه وړاندې کړل.
همدارنګه د هرات پوهنتون علمي مرستيال محمد موسی فایق هم د پلانونو اړوند د پوهنتون د علمي او اکاډميکو فعاليتونو په هکله خبرې وکړې او د ۱۴۰۳ کال د لومړۍ ربع راپورې يې غونډې ته وړاندې کړ.
د غونډې په دوام د غونډې نورو غړو هم خپل نظریات تبادله او د تقرر د دوسيو، د استادانو د ترفيع او انفکاک اړوند يې خپل نظرونه ورکړل.
د يادونې وړ ده چې دې جلسه ته د پوهنتون د دعوت او ارشاد د کمېټې غړي هم ور وپېژندل شول.
