*د محصلانو چارو مرستیال د هرات پوهنتون له پوهنځیو څخه د محصلانو د خدمتونو د ښه والي لپاره لیدنه وکړه*
شیخ الحدیث مولوي عبدالهادي ذو الهادي، د هرات پوهنتون د محصلانو چارو مرستیال، له خپل هیئت سره د ادارې، عامه پالیسي او ښکلو هنرونو له پوهنځیو څخه لیدنه وکړه.
د دې لیدنو موخه د پسرلني سمستر لپاره چمتووالی، محصلانو ته د غوره امکاناتو برابرول او د درسونو د بریالي پیل لپاره مرسته کول و.
د دې لیدنو پر مهال، د محصلانو چارو مرستیال له د پوهنځیو له رئیسانو وغوښتل چې خپلې نظریې او وړاندیزونه د محصلانو د خدمتونو او تحصیلي شرایطو د ښه والي لپاره وړاندې کړي. نوموړي ټینګار وکړ چې د دې لیدنو اساسي هدف محصلانو ته غوره خدمتونه وړاندې کول او د زدهکړې لپاره مناسبه فضا برابرول دي.
مرستیال د درسي صنفونو څخه هم لیدنه وکړه او ویې ویل: "موږ هڅه کوو ټول هغه امکانات برابر کړو چې محصلان ورته اړتیا لري."
یاده دې وي چې د محصلانو چارو مرستیال پلان لري چې د هرات پوهنتون له ټولو پوهنځیو څخه لیدنه وکړي، د پوهنځیو د رئیسانو نظریات راټول کړي او د محصلانو د تحصیلي او رفاهي وضعیت د ښه والي لپاره ترې ګټه واخلي.
