د دوو کتابونو «معماری در عصر تیموریان (با نگاه ویژه به بناهای تاریخی هرات)» او «میراث فرهنگی هرات (تأثیر زلزلۀ ۱۴۰۲ خورشیدی بر آبدات تاریخی)» د مخ کتنې مراسم ترسره شول.
د هرات پوهنتون د علمي څېړنو معاونیت او علمي مجلې، د هرات د ټیکا دفتر په مرسته، د هرات پوهنتون په مشرۍ، په هرات کې د ترکیې د جمهوریت د سرقونسل، د ټیکا د دفتر د رئیس، د پوهنځیو د رئیسونو، استادانو او نورو مېلمنو په ستون کې، د امیرعليشیر نوایي د کنفرانسونو په تالار کې د یادو دوو کتابونو مخ کتنه وکړه.
مراسم د کلامالله مجید د مبارکو آیتونو په تلاوت سره پیل شول. وروسته مفتي هدایتالله منیب، د هرات پوهنتون علمي مرستیال او سرپرست، مېلمنو ته د ښه راغلاست ترڅنګ، د پوهنتون د علمي څېړنو معاونیت او علمي مجلې او همدارنګه د ټیکا له دفتر څخه، چې د پوهنتون له علمي ـ فرهنګي پروګرامونو سره همکاري کوي، مننه او قدرداني وکړه او د ټولنې په ژوند کې د کتاب پر مقام او ارزښت، او همدارنګه د مطالعې او علمي څېړنو پر ارزښت یې وینا وکړه.
وروسته، په هرات کې د ټیکا د دفتر رئیس ډاکټر عرفات دنیز، استاد محمد مسلم مروي، استاد حمیدالله امیري، د انجینري پوهنځي رئیس انجینر پاسون عارفي، پوهنوال ډاکټر مسعود مسعودي، محمد صدیق میر او په هرات کې د ترکیې د جمهوریت سرقونسل ډاکټر تزجان قاضياوغلو، هر یوه د موضوع په هکله ویناوې وکړې.
محفل د یادو کتابونو په مخ کتنې او د دعا په کولو سره پای ته ورسېد.
