دسالمو خواړوساتل
دسالمو خواړوساتل دهغه کنفرانس سرلیک وو چي دهرات پوهنتون له خوا د خلګو د سالمو خواړو دپوهاوي د لوړ والي لپاره جوړ سوي وو.
دهرات پوهنتون رئیس پوهندوي ډاکټرعبدالله فایز د کنفرانس میلمنو ته دښه راغلاست ترڅنګ وویل: افغانستان داسي یو هیواد دي چي د سالمو خوړو په برخه کي یو ښه او مناسب ځاي څخه برخمن ندي او هغه بي کیفیت خواړه چي د بهر څخه واردیږي یوه غټه ستونزه ده چي باید ورته کلکه پاملرنه وسي.
ښاغلي فایز د سالمو خواړو څخه د ګټې اخیستنې پوهاوی ورکول اړین او د علمي بنسټونو او د زیربطو ادارو دنده يې وبلل.
د هرات پوهنتون د زراعت پوهنځی ریس پوهندوي ډاکټرعبدالستار فاضلي د سالمو خواړو څخه د ګټې اخیستنې پوهاوی ورکول اړین وبلل او وي ویل: اړینه ده چي زیربط اداري د خلګو لاسرسي ونا سالمو خواړو ته وڅیړي او عملي ګامونه پورته کړي. د زراعت پوهنځی استادانو هریو پوهنیارعبدالله معصومي او پوهنیار نصیر احمد رحیمي د خواړو او دهغوي اغیزه او د مصونه خواړو پرتولید خبري وکړي . وروسته دهرات دعامي روغتیا ریس ډاکټرعبدالحکیم تمنا خبري وکړي او د داسي کنفرانسونو جوړول يې د خلګو د پوهاوی لوړوالي لپاره اړین وبلل او د زراعت پوهنځی څخه يې مننه وکړل چي دعامي روغتیا د خواړو د لابراتورونو په چمتو کولو کيې مرسته کړي وه.
په پاي کي د ګډونوالو وسوالونو ته ځوابونه وویل سول
