امتحانات سمستر بهاری پوهنتون هرات امروز آغاز شد
نن ورځ د هرات پوهنتون د پسرلني سمستر ازموینې پیل شوې.
د هرات پوهنتون د ازموینو د شروع په لومړۍ ورځ، د پوهنتون مالي او اداري مرستيال او سرپرست رئیس منت الله اخندزاده، د محصلانو چارو مرستیال پوهندوی غلام حضرت حساس او د علمي چارو سرپرست او د استادانو چارو آمر پوهنمل رحیم بخش فقیریار، د پوهنځیو د ازموینو د کمیټو د کړنو چارې او د ازموینې د پوښتنو پاڼې بررسي او کنټرول کړي.
د هرات پوهنتون رهبري هیئت، د پوهنتون د پوهنځیو د کمیټو کړنې مثبتې و ارزولې او همدارنګه یې د ازموینو د کمیټو د امکاناتو د لا تجهیز لپاره وعده او ترڅنګ یې لازم هدایات او لارښوونې ارایه کړې او د لوړو زده کړو وزارت د قوانینو او طرزالعمل مطابق یې د رڼو او شفافو ازموینو پر اخیستنې ټینګار وکړ.
د هرات پوهنتون د عامه پوهاوي او اړیکو آمریت
۲۸ ذوالقعده ۱۴۴۴ --- ۲۷ جوزا ۱۴۰۲
