په هرات پوهنتون کې د لوېدیځ زون د اعتبار ورکونې او تضمین کیفیت علمي برناموو د ورکشاپ پای.

hu_admin
دوشنبه ۱۴۰۲/۹/۶ - ۵:۲۱
ی

ه هرات پوهنتون کې د لوېدیځ زون د اعتبار ورکونې او تضمین کیفیت علمي برناموو د ورکشاپ پای. د لوېدیځ زون د اعتبار ورکونې او تضمین کیفیت د علمي برناموو څلور ورځینی زده کړییز ورکشاپ چې په هرات پوهنتون کې دایر شوی و نن د هرات پوهنتون رئیس شیخ الحدیث ابوالحکمت مفتي عبدالغفار، د پوهنتون علمی مرستیال پوهندوی مولوي عبدالعزیز نعماني، د اعتبار ورکونې او تضمین کیفیت برنامو ماستر ترینر او د مسلکي بیا لیدنې غړی پوهنمل محمد امین امین، د مالي او اداري معاونیت سرپرست او د تدارکاتو آمر محمد اجمل سنځر، د انجنیرۍ پوهنځي رئیس پوهنیار انجنیر نعمان محب او د ګډون کوونکو په حضور ورکشاپ پای ته ورسېدۀ. د هرات پوهنتون رئیس شیخ الحدیث ابوالحکمت مفتي عبدالغفار یو ځل بیا  لوړو زده کړو مرکزونو ته د لوړو زده کړو وزارت او د کیفیت د لوړاوي ریاست له پاملرنې څخه مننه وکړه وه یې ویل:د داسې ورکشاپونو دایرېدل د هېواد په خصوصي او امارتي پوهنتونونو او موؤسسو کې د پوهې د لوړاوي لامل ګرځي او ټولنه د ځان بسیایۍ خوا ته ګرځوي. د هرات پوهنتون رئیس علمي تحقیقاتو ته د استادانو د تشویق کولو ترڅنګ، د هیله مندۍ څرګندونه وکړه چې ګډون کوونکو له دې ورکشاپ څخه ډېره ګټه اخیستي وي او پوهنتون ته د راګرځېدو څخه وروسته خپل لاسته راوړنې د نورو سره شریکې کړي. ورپسې د پوهنتون علمي معاون پوهندوی مولوي عبدالعزیز نعماني یاد ورکشاپ جوړوونکی او ګټور وبالۀ او د کیفیت د لوړاوي د معیارونو رعایت او پاملرنه یې د پوهنتونونو د علمي پراختیا لامل وبالۀ. همدارنګه د پوهنتون علمي مرستیال زیاته کړه: د هرات پوهنتون رهبري پلاوی  په هڅه کې دی تر څو د غور، فراه، بادغیس، نیمروز د لوړو زده کړو موؤسسو او د خصوصي لوړو زده کړو د استادانو د پوهې لوړاوي ته فرصتونه برابر او لاره هواره کړي. د غالب خصوصي پوهنتون علمي مرستیال دکتور محمد طاهر تنزایي د ورکشاپ له دایروونکو څخه مننه وکړه، او په دې برخه کې د لا زیاتو ورکشاپونو د دایرېدو غوښتونکی شو. د اعتبار ورکونې او تضمین کیفیت برناموو ماستر ترینر او د مسلکي بیا لیدونکي غري پوهنمل محمد امین امین هم ورکشاپ جمع بندي کړ او هغه هوساینې چې  په هرات پوهنتون  کې یې په لاس رسي کې ورکړل شوې وې مننه وکړه. د برنامې په پای کې هغو ګډون کوونکو ته چې تصدیق لیکونه چمتو شوي وو ورکړل شول.

تازه خبرونه

چهارشنبه ۱۴۰۳/۲/۵ - ۱۰:۵۲
Background image

د هرات پوهنتون د خپرنیزې کمیټې ناسته دایره شوه.

د هرات پوهنتون د عامه پوهاوي او اړیکو آمریت د خپرنیزې کمیټې ناسته د هرات پوهنتون رئیس شیخ الحدیث ابو الحکمت مفتی عبدالغفار او د دې کمیټې د غړو په حضور د هرات پوهنتون د ریاست په دفتر کې. . .

یکشنبه ۱۴۰۳/۲/۲ - ۱۰:۴۹
Background image

د هرات پوهنتون د کادري روغتون له پروژې څخه لیدنه

د هرات پوهنتون علمي مرستیال مولوي محمد موسی فایق او د پوهنتون مالي او اداري مرستیال ملا انعام الله انعام په داسې حال کې چې د طب پوهنځي رئیس پوهندوی دکتور شفیق احمد جویا، د استادانو چارو. . .

چهارشنبه ۱۴۰۳/۱/۲۹ - ۱۰:۳۰
Background image

د هرات پوهنتون مالي آمر، د عمومي تکنالوژۍ مدیر او د تدارکاتو آمران معرفي شول.

نن د بېلو ( جداګانه) مراسمو په لړ کې نثار احمد قاسمي د پوهنتون د تهیه، تدرکاتو او خدماتو د آمر،  صدام سعیدي د حسابۍ او مالي آمر، سید معروف سادات د معلوماتي تکنالوژۍ د آمر او محمد همایون. . .

BACK TO NEWS