د ټولنیزو علومو پوهنځي د استادانو ستاینه
د ټولنیزو علومو پوهنځي مشرتابه په یوه ځانګړي مراسمو کې د دې پوهنځي د استادانو د هڅو ستاینه وکړه.
پوهنیار اسدالله اصیل، د ټولنیزو علومو پوهنځي رئیس، د استادانو د نه ستړي کېدونکو زحمتونو مننه وکړه او ویې ویل: "قدرمنو استادانو تل د علمي او فرهنګي پرمختګ لپاره اساسي رول لوبولی دی، او د دوی نه ستړي کېدونکې هلې ځلې د وړ محصلینو په روزنه کې د ستاینې وړ دي."
دا غونډه د استادانو د ارزښتناکو زحمتونو د تقدیر لپاره جوړه شوې وه، چې پکې د هغوی د صادقانه هڅو په ویاړ ستاینلیکونه ورکړل شول.
همداراز، دا برنامه یوه غوره موقع وه چې استادانو خپل علمي او تدریسي لاسته راوړنې بیان کړي. ټینګار وشو چې د دوی شتون او فعالیتونه نه یوازې د پوهنځي، بلکې د ټولنې د ودې او پرمختګ لپاره هم مهم رول لري.
