د لوړو زده کړو سرپرست وزیر هرات ولایت ته د خپل کاري سفر په ترڅ کې

hu_admin
Tue, Dec 13 2022 11:59 AM
""

د لوړو زده کړو سرپرست وزیر هرات ولایت ته د خپل کاري سفر په ترڅ کې، د هېواد لودیځ زون تحصیلي بنسټونو له مسؤلینو، استادانو او محصلینو سره وکتل او په یاد زون کې یې د تحصیل پر ښه والي او د علم پر پرمختګ خبرې وکړې.
په یاده ناسته کې د لوړو زده کړو سرپرست وزیر شیخ الحدیث مولوي نداء محمد ندیم صاحب د هرات، بادغیس، فراه، نیمروز، غور او همدارنګه د هرات ولایت خصوصي تحصیلي بنسټونو له استادانو او مسؤلینو سره د لیدنې له امله خوښي وښوده. دغه راز د یووالي او اسلامي نظام د ساتنې پر ارزښت یې خبرې وکړې او ویې ویل: «د ا.ا.ا د هېواد له تعلیمي او تحصیلي نظام څخه د ملاتړ په پار، په خپل ټول توان هڅه کوي، چې بهر ته تللي استادان بېرته هېواد ته راستانه شي، تر څو په ګډه د افغانستان د پرختګ او ودانولو لپاره کار وکړو.»
د لوړو زده کړو سرپرست وزیر اسلامي ارشاداتو ته په اشارې سره وویل، چې د الله تعالی، رسول صلی الله علیه وسلم او د امیر اطاعت پر مسلمانانو واجب دی. نوموړي د مدرسې او پوهنتون تر منځ پر اړیکو جوړولو ټینګار وکړ او ویې ویل، چې لوړو زده کړو وزارت د دې کار په هڅه کې دی، تر څو پوهنتون او مدرسه د علمي مرکزونو په توګه له یو بل سره نیږدې اړیکې ولري او د علم د تولید په برخه کې له یو بل سره همکاري وکړي.  
دغه راز ژمنه یې وکړه چې په نیږدې راتلونکي کې به د هېواد تحصیلي بنسټونو د استادانو د ستونزو د حل په برخه کې عملي ګامونه واخلي.

وروسته د هرات پوهنتون رئیس پوهندوی عبدالعزیز نعماني یاد ولایت ته د لوړو زده کړو سرپرست وزیر له سفر څخه د مننې تر څنګ، د هرات ولایت علمي موقف او په دغه موقف کې د هرات پوهنتون پر رول خبرې وکړې.
همدارنګه په یاده ناسته کې د هرات والي مولوي شیخ نور احمد اسلام جار د علم پر ارزښت خبرې وکړې او ویې ویل، چې زموږ ځواک زموږ په یووالي او پوهه کې دی. نوموړي زیاته کړه چې علماء کرام او د تحصیلي بنسټونو استادان باید په لوړ همت او قوي ارادې سره د هېواد د بچیانو سالمه روزنه وکړي، تر څو مو استعدادونه د هېواد د پرمختګ او ودانولو جوګه شي.
وروسته د غور او نیمروز پوهنتونونو رئیسانو د علم پر ارزښت د خبرو تر څنګ، د ا.ا.ا له لوري د استادانو علمي ظرفیت لوړونې او د تحصیلي بنسټونو د پرمختګ لپاره د زمینې برابرولو له امله مننه وکړه.

Latest news

Mon, Mar 03 2025 9:58 AM
Background image

Scientific Conference on the Rights of Civilians from the Perspective of Islamic Sharia and International Documents

Professor Abdul Rahman Saleem, a faculty member of the Faculty of Sharia and Islamic Sciences at Herat University, held a scientific conference titled "The Rights of Civilians from the. . .

Mon, Mar 03 2025 9:55 AM
Background image

Monitoring attendance in various departments of Herat University

Maulavi Mohammad Ismail Saadat, the Head of Staff Affairs at Herat University, along with an accompanying delegation, supervised and monitored the attendance of faculties, the academic. . .

Tue, Feb 25 2025 3:13 PM
Background image

Herat University's Deputy Director of Student Affairs meets with TIKA Director

Sheikh-ul-Hadith Mawlana Abdul Hadi Zulhadi, the Vice Chancellor for Student Affairs at Herat University, along with a delegation from the institution, met with Dr. Arif Deniz, the Head. . .

BACK TO NEWS