د هرات پوهنتون د ژمي سمستر آزموینو پیل
نن د هرات پوهنتون د ژمي سمستر آزموینې په دې علمي مرکز کې پیل شوې او محصلین د خپل تخصصي مهارتونو او پوهې د ارزیابۍ په پار په دې ازموینو کې ګډون کوي .
په همدې اساس، د هرات پوهنتون رئیس شیخ الحدیث ابو الحکمت مفتي عبدالغفار په داسې حال کې چې د پوهنتون علمي مرستیال پوهندوی مولوي عبدالعزیز نعماني، د محصلینو چارو مرستیال پوهندوی غلام حضرت حساس هم حضور درلود، د دې ازموینو د دایرولو د څرنګوالي او د پوهنځیو د ازموینو له کمیټې څخه لیدنه وکړه.
د دې لیدنې په بهیر کې؛ د هرات پوهنتون رئیس شیخ الحدیث ابوالحکمت مفتي عبدالغفار وویل: د ازموینو ارزښت ته په کتنې سره د پوهنځیو مسئولین او د ازموینو کمیټې غړي باید ازموینې د ازموینو د کړنلارو مطابق، دقت او په عادلانه ډول دایر کړي او د محصلینو ستونزو ته هم رسیدګي وکړي.
هغه د هیله مندۍ څرګندونه وکړه چې محصلین دې د هېواد شرایط درک کړي اوخپل درسونه دې په هڅې او بشپړ جدیت سره مخته یوسي ترڅو ازموینې په بریالیتوب سره پای ته ورسوي او وروسته له فراغت څخه د خپلو علمي زیرمو سره خلکو او تولنې ته د خدمت مصدر وګرځي.
