د هرات پوهنتون د ښوونې او روزنې پوهنځي د کتابتون او شنو ساحو د کارونو د بهیر څارنه
د هرات پوهنتون مالي او اداري مرستیال حافظ محمد بشیر مجاهد، د ښوونې او روزنې پوهنځي د کتابتون د کار بهیر او د شنو ساحو وضعیت څخه لیدنه او څارنه وکړه.
په دې لیدنه کې د معیاري او مجهز کتابتون د جوړولو پر اړتیا ټینګار وشو، څو محصلان وکولای شي له یو مناسب او علمي چاپېریال څخه ګټه واخلي. همدارنګه د پوهنځي د شنو ساحو وضعیت وڅېړل شو او باغوانانو ته د لا ښه والي او غوره ساتنې لپاره لازمې سپارښتنې ورکړل شوې.
د مالي او اداري مرستیال د دې پوهنځي له رئیس مولوي صفی الله احمدي سره په لیدنه کې د کتابتون اړوند د کارونو د چټکتیا، د مېلمستون د ترمیم او د شنو ساحو د پراختیا او ساتنې په اړه خبرې وکړې او د محصلانو لپاره د سالم، ښکلي او مناسب چاپېریال د رامنځته کولو پر اهمیت یې ټینګار وکړ.
په همدې حال کې د ښوونې او روزنې پوهنځي رئیس مولوي صفی الله احمدي د پوهنتون د ریاست او مالي او اداري مرستیالۍ له پاملرنې او همکارۍ څخه مننه وکړه او ډاډ یې ورکړ چې دا پوهنځی به د معیاري علمي فضا د برابرولو او د زیربناوو د پیاوړتیا له لارې د محصلانو لپاره د لا غوره زدهکړې او علمي ودې زمینه برابره کړي.
