د هرات پوهنتون په لابراتوار کې د کیمیا محصلانو د ګوتو د نښو د پېژندلو له طریقو سره بلدتیا
د کیمیا د درېیم ټولګي محصلانو د احسانالله امیري تر څارنې لاندې د کیمیا په لابراتوارونو کې د درې ساده خو مهمو موادو ـ آیودین، هایدروجن پرېاُکساید او اسید استریک ـ په کارولو د ګوتې نښو د څرګندولو طریقې وڅېړلې.
په دې تجربه کې د آیودین بخارۍ طریقه د غیرجاذبو سطحو لپاره د ګوتې نښې د ژر او بېتاوانه څرګندولو یوه اغېزمنه لاره په توګه وازمویل شوه، په داسې حال کې چې هایدروجن پرېاُکساید د خپل اکسېدونکي خاصیت او د رنګ د لږ بدلون د رامنځته کولو لپاره وکارول شو.
وروسته محصلانو د اسید استریک په استعمال د سطحې د پاکولو پړاوونه او د آزموینې د مخکې او وروسته حالت پرتله کړ. وروستۍ پرتله وښودله چې آیودین د ګوتې نښې د روښانه څرګندېدو لپاره تر ټولو اغېزناک ماده ده، په داسې حال کې چې د هایدروجن پرېاُکساید او اسید استریک کارول زیاتره ښوونیز بُعد لري او د ابتدايي جنایي کیمیا په بهیرونو کې د کیمیاوي غبرګونونو د لا ښه درک کولو لپاره مرسته کوي.
