د ارغواني نیالګیو ډالۍ؛ د هرات پوهنتون د شنې فضا د پراختیا لپاره د محصلانو نوښت
په یوه خلاقانه او د ستاینې وړ اقدام کې، د هرات پوهنتون یو شمېر محصلانو د ګڼ شمېر ارغواني نیالګیو په ډالۍ کولو سره د شنې فضا د ښکلا او د دې علمي بنسټ د غوړېدو په برخه کې مهم ګام پورته کړ.
عبدالرحیم باقري، د دې ډلې استازی او د هرات پوهنتون د کمپیوټر ساینس پوهنځي محصل وویل: «موږ غواړو د داسې نوښتونو له لارې د خپل پوهنتون د شنې فضا په پراختیا کې ونډه واخلو او د زدهکړې چاپېریال د ټولو لپاره لا خوندور او زړهراښکونکی کړو.»
هغه زیاته کړه چې د چاپېریال ساتنه او د شنو ساحو پراختیا د ټولو محصلانو ګډ مسئولیت دی، او دا ډول فعالیتونه کولای شي د محصلانو ترمنځ د همکارۍ او یووالي احساس پیاوړی کړي.
په همدې حال کې، قاري نثاراحمد قاسمي، د تدارکاتو او خدماتو آمر او د پوهنتون د مالي او اداري معاوین سرپرست، د محصلانو له دې خلاقانه اقدام څخه مننه وکړه او دا یې د دوی د مسئولیتپالنې او د خپل تحصیلي چاپېریال پر وړاندې د ژمنتیا ښکاره بېلګه وبلله.
هغه همدارنګه له نورو محصلانو وغوښتل چې د ورته نوښتونو په پیلولو سره د پوهنتون د ښکلا او سمسورتیا په برخه کې فعاله ونډه واخلي.
د یادونې وړ ده چې ارغواني نیالګي له ښکلو زینتي ونو څخه دي چې د خپلو رنګینو ګلونو په وسیله چاپېریال ته ځانګړې ښکلا وربخښي او د فضا په تازهوالي او شنوالي کې مهم رول لري.
