د اړیکو او عامه پوهاوې د آمر معرفی شو
قاری صاحب محمدناصر مستنیر د هرات پوهنتون د اړیکو او عامه پوهاوې د آمر په حیث په داسي حال کي چې د هرات پوهنتون رئیس پوهندوی عبدالعزیز نعماني، د لوړو زده کړو وزارت ځانګړۍ استازۍ او د هرات پوهنتون د مالي او اداري چارو مرستیال مولوی منت الله آخندزاده، د هرات پوهنتون د علمي معاونیت سرپرست او د استادانو چارو آمر پوهنمل رحیم بخش فقیریار او یو شمیر نورو اداري کارمندانو حضور درلود، خپل همکارانوته معرفی شو.
پوهندوي نعماني ښاغلي مستنیر ته چارو کی د بریالیتوب هیله وکړه او دا یې په ډاګه کړه چي ژمنه او نه ستړې کیدونکې هڅه په چارو کې د بریالیتوب لپاره ډیر مهم بلل کیږي.
ښاغلي مستنیر د هرات پوهنتون د مشرتابه د باور او اعتماد څخه مننه وکړه او ژمنه یې وکړه چي د پوهنتون د موخو او پلان مطابق کار کولو کې به د هیڅ کوښښ او هڅي نه ډډه ونکړي.
