د هرات پوهنتون د علمي مجلو یوکلن اعتبارنامې ترلاسه کول
د هرات پوهنتون د تحقیقاتو معاونیت او علمي مجلې وتوانیدلې چې د لوړو زدهکړو وزارت څخه د خپلو علمي مجلو یوکلنه اعتبارنامه ترلاسه کړي.
ډاکټر نورعلي مهمند، د هرات پوهنتون د تحقیقاتو او علمي مجلې مرستیال، د خوښۍ په څرګندولو سره وویل چې په دې معاونیت کې چارې په جدي او منظم ډول روانې دي او د دې اعتبارنامې ترلاسه کول یې د لوړو زدهکړو بنسټونو کې د علمي تحقیقاتو د پراختیا په لار کې یو مهم ګام وباله.
هغه زیاته کړه چې د تحقیقاتو او علمي مجلې معاونیت هڅه کوي د طبیعي علومو په برخه کې د نړیوالو مقالو د خپرولو جواز هم ترلاسه کړي، تر څو د استادانو د علمي آثارو د پراخې کچې خپرولو زمینه برابره شي.
یادونه باید وشي چې د هرات پوهنتون د استادانو مقالې د دې نهاد د علمي مجلې په وېبسایټ کې پورته شوې دي او مینهوال کولی شي دغه مقالې د هرات پوهنتون له وېبسایټ څخه ترلاسه او مطالعه کړي.
