د هرات پوهنتون د خدماتي کارکوونکو ستاینه
د هرات پوهنتون مالي او اداري معاونیت د دې معاونیت د خدماتي کارکوونکو د نه ستړې کېدونکو هڅو او کوښښونو ستاینه وکړه او په یوه غونډه کې هغوی ته جایزې ورکړې.
دې معاونیت په دې وروستیو کې ټول خدماتي کارکوونکي په دولسو ټیمونو ویشلي دي او هر ټیم ته یې ځانګړي کاري ساحې ټاکلې دي. په دې ټیمونو کې، د "حضرت عمر (رضی الله عنه)" او "حضرت علي (کرم الله وجهه)" ټیمونه خپلې ټاکلې ساحې په غوره ډول برابرې کړې او په همدې دلیل دواړو ټیمونو لومړی مقام وګاټه او جایزې یې ترلاسه کړې.
مالي او اداري معاونیت له نورو ټیمونو څخه غوښتنه کړې چې په راتلونکو پړاوونو کې زیاتې هڅې وکړي تر څو د جایزو ګټلو چانس ترلاسه کړي.
