*د هرات پوهنتون علمي مرستیال د لوړو زده کړو وزیر سره وکتل*
مولوي محمد موسی فایق، د هرات پوهنتون علمي مرستیال، د دې علمي بنسټ د علمي چارو د پرمختګ په موخه د شیخ القرآن والحدیث مولوي نداء محمد ندیم، د لوړو زده کړو محترم وزیر سره لیدنه او خبرې وکړې. هغه د وزارت له هر اړخیز ملاتړ څخه مننه وکړه او د هرات پوهنتون د علمي چارو او پرمختیایي پروګرامونو په اړه یې خبرې وکړې.
په دې ناسته کې د هرات پوهنتون د ریاست وړاندیزونه چې د وترنري علومو پوهنځي کې د ماسټرۍ پروګرام جوړول، د کانونو جیولوژۍ پوهنځي جوړول او د انجینرۍ پوهنځي په چوکاټ کې د درې نویو دیپارتمنتونو (بنسټیز علوم، لویې لارې او ټرانسپورټیشن او انرژۍ) رامنځته کول شامل وو، بحث او نظرونه تبادله شول. دا وړاندیزونه د لوړو زده کړو وزیر لخوا د پام وړ وګرځېدل او په دې اړه یې اړینې لارښوونې وکړې.
