د "ایمان نقش په رواني روغتیا کې"
تر سرلیک لاندې علمي کنفرانس د هرات پوهنتون د شرعیاتو او اسلامي علومو پوهنځي استاد پوهنیار سید نعیم رحیمي لخوا وړاندې شو.
په دې کنفرانس کې د ایمان په رواني روغتیا باندې د تاثیر تاریخي شالید وڅېړل شو او د قرآن کریم آیتونو او نبوي احادیثو (صلی الله علیه وسلم) په رڼا کې د رواني روغتیا د ښه والي او پیاوړتیا لپاره د ایمان ارزښت په تفصیل سره بیان شو.
دغه راز د دې موضوع په اړه د علماوو، متخصصینو او ډاکټرانو نظریات هم وړاندې شول او علمي تحلیل پرې وشو.
پوهنیار رحیمي په خپله وینا کې په دې ټینګار وکړ چې ایمان د روحاني آرامتیا د ترلاسه کولو او د رواني ننګونو د حل لپاره یو اساسي عامل دی او دا یې د انسانانو د ژوند د کیفیت د ښه کولو یوه اغېزمنه لاره وبلله.
