پوهنتون ته د کتابونو ډالۍ کول
د عروج څېړنیزې او خپرنیزې ادارې لس ګونه ټوکه مختلف کتابونه پوهنتون ته ډالۍ کړل.
دا کتابونه په راتلونکي وخت کې زده کړه، د کمنیزم پای، په اوسني عصر کې تقلید، د الله تعالی په طرف، تبلیغاتي جګړه، د ځوانانو مسؤولیت څه شی دی؟ امارت او نړۍ او داسې نور وو.
د دې کتابونو د ډالۍ کولو په مراسمو کې د هرات پوهنتون رئیس شیخ الحدیث ابوالحکمت مفتي عبدالغفار، د دې بنسټ څخه د مننې او قدردانۍ ترڅنګ وویل چې مطالعه د فکر د روزنې او رشد لپاره یو له اساسي لاملونو څخه ده. هغه وویل چې مطالعه نه یوازې د شخص علم زیاتوي، بلکې د ټولنې د فرهنګي او ټولنیزې ودې زمینه هم مساعدوي.
د هرات پوهنتون رئیس دغه راز له بنسټ څخه د داسې نورو ورته کړنو غوښتونکی هم شو.
همدارنګه د عروج څېړنیزې او خپرنیزې ادارې مشر مولوي ثابت هروي هم له هرات پوهنتون څخه مننه وکړه او هغوی ته یې ډاډ ورکړ چې په راتلونکې کې به د دوی سره لا ډېرې دې ته ورته مرستې وکړي.
