په هرات پوهنتون کي د پلان او راپور جوړوني يو ورځنی سمينار وړاندي سو
د هرات پوهنتون د کارکوونکو چارو آمریت د هرات ولایت د کارکوونکو چارو ریاست سره په ګډې همکارۍ د هرات پوهنتون اداري کارکوونکو لپاره د کاري پلان او راپور جوړوني اړوند یو ورځنی سمینار وړاندي سو.
پدې سیمینار کي د ولایت مقام د کارشناس له لوري کارکوونکو ته د پلان او راپور جوړوني، دندې لايحې، صلاحيتونو، مسؤليتونو او د اجرآتو د ارزوني مشخص کولو اړوند مالومات وړاندي سول.
ددې ترڅنګ په دې سمينار کي کارکوونکو ته د دندې لايحې، صلاحیتونو، معيارونو او شاخصونو، د تنظيم کولو، د کاري پلان د اجراتو او مالوماتو د احصايې ثبت او منظم کولو اړوند زده کړه ورکول سوه.
د هرات پوهنتون د کارکوونکو چارو آمر محمد اجمل سنځر په وينا، د همدې سمينار څخه موخه د اداري کارکوونکو ظرفیت لوړول وه، چي په راتلونکې کي د همدې آمريت له لوري نور غوره سمينارونه به هم وړاندي سي؛ ترڅو اداري کارکوونکي وکولی سي د پوهنتون مراجعینو ته پر وخت غوره خدمت وکړي.
د سمینار په وروستيو کي د ګډونوالو پوښتونو ته ځوابونه هم ورکړل سول.
