نن د هرات ولایت د کانکور آزموینې د بایومتریک پروسه پیل شوه.
نن د هرات ولایت د کانکور آزموینې د بایومتریک پروسه پیل شوه.
د محصلینو چارو مرستیال پوهندوی غلام حضرت حساس او د لوړو زده کړو وزارت د کانکور د ممتحن پلاوي رئیس پوهنوال عبدالشکور داور په داسې حال کې چې د پوهنتون د علمي معاونیت سرپرست پوهنمل رحیم بخش فقیریار هم حضور درلود د ۱۴۰۲ کال د کانکور متقاضیانو د بایومتریک پروسې څخه لیدنه وکړه.
د سږ کال کانکور په آزموینې کې به ۳۰۱۱ کسه په اختصاصي، دیني اوعمومي علومو برخو کې ګډون وکړي، همدارنګه ۲۹۷ کسه علمای کرام به هم د خپل تحصیلي اسنادو د سویې د تثبیت په پار په دې ازموینه کې برخه واخلي.
ویل کېږي د بایومتریک پروسه به د ۱۴۴۵ هجري کال د محرم په ۲۱-۲۲ نېټه چې د ۱۴۰۲ لمریز کال د زمري ۱۷-۱۸ نېټې سره سمون خوري په هرات پوهنتون کې ترسره شي او د کانکور آزموینه به د پنجشنبې او جمعې په ورځو کې د ۱۴۴۵ هجري کال د محرم ۲۳ -۲۴ نېټه چې د ۱۴۰۲ لمریز کال د زمري د ۱۹-۲۰ نېټې سره سمون خوري دایره شي.
د هرات پوهنتون د عامه پوهاوي او اړیکو آمریت
۲۱ محرم ۱۴۴۵ - ۱۷ زمری ۱۴۰۲
