د ۱۴۰۳ پسرلني سمستر د آزموینو پیل
د هرات پوهنتون د رئیس شیخ الحدیث ابوالحکمت مفتی عبدالغفار په داسې حال کې چې د پوهنتون علمي مرستیال مولوي محمد موسی فایق، د محصلانو چارو مرستیال پوهندوی غلام حضرت حساس، هم ورسره ګډون درلود، د هرات پوهنتون د بېلابېلو پوهنځیو د ۱۴۰۳ کال د پسرلني ازموینو څخه یې لیدنه وکړه.
د هرات پوهنتون رئیس د ازموینو په بهیر کې د استادانو او محصلینو ستونزې واورېدې او د هغوی د حل وعده یې ورکړه. نوموړي د ازموینو د مقراراتو مراعات کول د ټولو محصلینو او استادانو لپاره لازمي امر وباله او له استادانو نه یې غوښتنه وکړه چې عدالت مراعات او له ازموینو نه دقیق نظارت وکړي.
هغه همدارنګه د پوهنځیو له مدیرانو او رئیسانو نه مننه وکړه، چې ازموینې یې په ارامه فضا کې پیل کړې او په ښه شکل مدیریت کړې. هغه ټولو محصلینو ته په پای کې د بریالیتوب هیله وکړه.
