د ښوونې او روزنې پوهنځي د نويو محصلانو د پېژندنې او هر کلي محفل جوړ شو.
دا محفل د څو مبارکو ايتونو په تلاوت سره پيل شو.
وروسته د ښوونې او روزنې پوهنځي رئیس پوهنوال بصير احمد کريمي مېلمنو ته د ښه راغلاست تر څنګ، نويو محصلينو ته د برياليتوب هيله څرګنده کړه. ده همداراز د ښوونې او روزنې پوهنځي ستراتيژيک پلان هم تشريح کړ.
د غونډې په دوام د هرات پوهنتون رئيس شيخ الحديث ابوالحکمت مفتي عبدالغفار هم نويو محصلينو ته د ښه راغلاست ويلو ترڅنګ د ټولنې په جوړولو کې د محصل پر نقش خبرې وکړې. هغه د خپلو خبرو په ترڅ کې د مسلکي زده کړو د تقويت په باب پر څېړنو ډېر ټينګار وکړ او دغه راز يې پر محصلينو غږ وکړ چې خپل يووالي وساتي او د افغانستان خلکو ته د ښو شرايطو په رامنځ ته کولو کې کوښښ وکړئ.
دغه راز د جغرافيې څانګې آمر احمد بصير احمدي او د فزيک څانګې آمر ذبيح الله اسحاقي هم د کرېډېټ سيستم او د ښوونې او روزنې پوهنځي بېلابېلې څانګې محصلينو ته ور وپېژندې.
دا مراسم د دعا په کولو سره پای ته ورسېدل.
