د چاپ ماشينونو د عملي او تخنيکي زده کړې ورکشاپ د ژورنالېزم په پوهنځي

د هرات پوهنتون د ژورناليزم او عامه اړيکو پوهنځي د څلورم ټولګيو محصلانو لپاره د چاپ ماشينونو د پيژندني او کاروني اړوند عملي او تخنيکي زده کړې په پار دوه ورځنی ورکشاپ راپيل شو.
دا ورکشاپ د ژورناليزم او عامه اړيکو پوهنځي د فرهنګي کمېټې له لوري د محصلانو د راتلونکي کاري چاپيريال سره د بلدتيا او د مسلکي ظرفيت لوړوني په موخه راپيل شو، چي د يادې پوهنځي د مطبعې د مدير عبدالحکیم توخي له لوري ورته وړاندي کيږي.
په دې ورکشاپ ګډونوالو محصلينو ته د چاپ ماشين پيژندني، چاپ ماشينونو ډولونو، کاغذ پيژندني، د پرينټ د پاڼې ترتيب، چاپ ماشين ته د رنګونو منظم کول، اسناد معياري سکن او يو شمېر نوري مهمې برخي ور ښودل کيږي.
د يادوني وړ ده، چي ژورناليزم او عامه اړيکو پوهنځي تل په دې لټه کي ده؛ ترڅو د خپلو محصلينو د نظري زده کړو ترڅنګ هغوی ته د عملي ظرفيت لوړولو په موخه غوره مسلکي سمينارونه او ورکشاپونه وړاندي کړي.