د هرات پوهنتون په مختلفو څانګو کې د حاضرۍ څارنه
د هرات پوهنتون د کارکوونکو چارو آمر مولوي محمد اسماعیل سعادت، د یو هیئت په ملتيا د پوهنځیو، کادري روغتون او د هرات پوهنتون د غاښونو کلینیک د حاضریو څارنه او کنترول ترسره کړ.
دغه ارزونه د لوړو زده کړو محترم وزارت د اوامرو او هدایتونو د تطبیق او همدارنګه د علمي کادري غړو او کارکوونکو د منظم حضور د یقیني کولو په موخه ترسره شوه.
د دې لیدنې پر مهال، د څارنې هیئت د اداري نظم، کاري ساعتونو او د استادانو او کارکوونکو د کاري ژمنتیا ارزونه وکړه، او په خپل وخت د دندې پر ځای د حاضرېدو او د لایحو او مقرراتو مطابق د وظیفوي مسؤولیتونو د ترسره کولو ټینگار یې وکړ.
