د هرات پوهنتون علمي شورا غونډه
د هرات پوهنتون د علمي شورا غونډه د هرات پوهنتون رئیس پوهندوی عبدالعزیز نعماني، د لوړو زده کړو وزارت ځانګړۍ استازۍ او د هرات پوهنتون مالي او اداري چارو مرستیال مولوي منت الله آخندزاده، د هرات پوهنتون د محصلینو چارو مرستیال پوهندوی غلام حضرت حساس، د استادانو د چارو آمر او د هرات پوهنتون د علمي چارو د معاونیت سرپرست پوهنمل رحیم بخش فقیریار او د پوهنځیو د ځینو استادانو او د پوهنځیو د رئیسانو په ګډون کې جوړه شوه.
غونډه د قرآن عظیم الشان د آیاتونو په تلاوت سره پیل او وروسته د هرات پوهنتون رئیس پوهندوی عبدالعزیز نعماني د هرات پوهنتون د تیرې یوې میاشتې راپور وړاندې کړ او د غونډې ګډونوالو ته یې لازمې او اړیني سپارښتنې وکړې.
د غونډي په دوام کې د غونډې ګډون کوونکو د تقرر، انفکاک او د استادانو د علمي رتبو د ترفیع اسنادو د څیړلو ترڅنګ د غونډې د اړینو موضوعاتو په اړه خبرې اترې وکړې او لازمه پریکړې ترسره شوې.
