د هرات پوهنتون د مالي او تدارکاتي کمیټې غونډه دایره شوه.
د هرات پوهنتون د مالي او تدارکاتي کمیټې غونډه د هرات پوهنتون رئیس شیخ الحدیث ابوالحکمت مفتي عبدالغفار تر ریاست لاندې په داسې حال کې چې د پوهنتون علمي مرستیال محمد موسی فایق، د پوهنتون مالي او اداري مرستیال ملا انعام الله انعام، د اقتصاد، انجنیرۍ، زراعت پوهنځیو استادانو او د بشري، مالي، تدارکاتي او خدماتي منابعو آمرانو حضور درلود د هرات پوهنتون د ریاست په دفتر کې دایره شوه.
لومړی د هرات پوهنتون رئیس شیخ الحدیث ابوالحکمت مفتي عبدالغفار د پوهنځیو او د اداري برخو د وړاندیزونو د تطبیق د څرنګوالي او موخې په اړه خبرې وکړې او له تطبیق کوونکو څخه یې وغوښتل تر څو په لومړیتوب، له برخو څخه په دقیقې اړتیا سنجولو او په لګښتونو کې د صرفه جویۍ اصل ته په پاملرنې سره تدارکاتي پلان طرح کړي او د هغې په تطبیق کې دې نوښت رامنځته کړي .
همدارنګه د پوهنتون مالي مرستیال مولوي محمد موسی فایق هم د مالي پلان تطبیق د محصلینو د علمي پراختیا او غوړېدنې لپاره امکانات او هوساینه وبلله، او د هیله مندۍ څرګندونه یې وکړه چې تدارکاتي پلان به په وخت چمتو او تطبیق شي.
ورپسې د پوهنتون مالي او اداري مرستیال ملا انعام الله انعام هم د یاد پلان په ترسره کېدو د ژمنې ورکولو ترڅنګ، د اداري برخو او پوهنځیو د اړتیاوو پر لومړیتوب ټینګار وکړ.
ورپسې د غونډې غړو د پوهنځیو او د اداري برخو اړتیاوې وڅېړلې او په پای کې د اړتیا وړ پرېکړې ونیول شوې.