د هرات پوهنتون د علمي شورا غونډه ترسره شوه
د هرات پوهنتون د علمي شورا غونډه نن د شیخالقرآن والحدیث مولانا عبدالغني حقاني، د هرات پوهنتون د رئیس، معاونینو، د پوهنځیو رئیسانو او د دې علمي بنسټ د استادانو په شتون کې ترسره شوه.
غونډه د قرآن کریم د څو مبارکو آیتونو په تلاوت سره پیل شوه. وروسته د هرات پوهنتون رئیس د بېلابېلو برخو د پرمختګونو په اړه خبرې وکړې او د پوهنتون د علمي او بنسټیزو چارو د چټکتیا او بشپړېدو پر اړتیا یې ټینګار وکړ.
همدارنګه شیخالقرآن والحدیث مولانا عبدالغني حقاني د «تعهد، دعوت او اسلامي ارزښتونو» مقام ته په اشارې سره یادونه وکړه چې ټول مسؤلین او استادان باید د ګډ تعهد له مخې، د هرات پوهنتون د مقام د لوړولو لپاره هڅه وکړي او دا پوهنتون په یوه معیاري او نړیوال پوهنتون بدل کړي.
په پای کې، د علمي شورا غړو د مطرح شوو موضوعاتو په اړه بحث او د نظرونو تبادله وکړه. همدارنګه د کارکوونکو او استادانو د مقررۍ، ترفیع او انفکاک اړوند دوسیې وڅېړل شوې.
