د هرات پوهنتون د خدماتي کارکوونکو سره ليدنه
ملا انعام الله انعام نن د هرات پوهنتون د خدماتي کارکوونکو سره وليدل.
په دې ليدنه کې ښاغلي انعام له کارکوونکو څخه د دوی له کار سره د ژمنتيا، صداقت او پابندۍ له امله مننه وکړه.
دغه راز د مننې ترڅنګ يې ورسره له خپله اړخه د هر ډول مرسته ژمنه يو ځل بيا تازه کړه.
په همدې ډول په دې غونډه کې ښاغلي ملا انعام الله انعام په خپلو خبرو کې زياته کړه چې د پوهنتون د علمي موخو د ترسراوي له پاره اداري پرسونل هم يو له مهمو بنسټونو څخه دی، پر همدې اساس بايد دې برخې ته هم جدي پاملرنه وشي.
د غونډې په پای کې د هرات پوهنتون ټول اداري پرسونل د ښاغلي معاون صاحب انعام له ليدنې خوښي څرګنده کړه او په خپلو کارونو کې يې د لا زیات صداقت او پابندۍ ژمنه لا تازه کړه.
