د هرات پوهنتون د حقوقو او سياسي علومو د پوهنځي د محصلينو د سير علمي برنامه

د حقوقو او سياسي علومو د پوهنځي فرهنګي کمېټې د خپلو محصلينو لپاره د سير علمي برنامه ونيوله.
په دې برنامه کې د نوموړي پوهنځي استادانو او د لومړي ټولګي محصلينو د هرات له موزيم، جامع جومات، د هرات عامه کتابخانې، قلعه اختيارالدين( د هرات ارګ) او د جهاد له منظر څخه ليدنه وکړه. 
په ځانګړې توګه په دې برنامه کې ډېری هغو محصلينو ګډون کړی وو چې له نورو ولايتونو څخه راغلي او په هرات پوهنتون کې په زده کړو بوخت وو؛ تر څو دوی هم د هرات له مشهورو ځايونو سره آشنايي پيدا کړي. 
په دې برنامې سره د ياد پوهنځي د استادانو تر څنګ محصلينو په خپل منځ کې د وحدت، يووالي، محبت، صميميت او ورورولۍ تمثيل ټولنې ته وړاندې کړ.