د هرات والی د پوهنتون په علمي شورا کي ګډون وکړ
د هرات والي سید عبدالوحید زاهد قتالی، د ملی امنیت څارنوالی رئیس احمد ولی سمندر او د ولایتي شورا منشی نجیب الله محبي د پوهنتون په فوق العاده علمي شورا غونډه کي ګډون وکړ.
د هرات پوهنتون رئیس پوهنوال ډاکټر عبدالله فایز د هرات والي او دهغه سره راغلي پلاوي ته د ښه راغلاست تر څنګ يې د کابل پوهنتون غمیزه وغندل، شهیدانو ته يې جنت او زخمیانو ته يې عاجله شفا وغوښتل او خپل د تسلیت او غم شریکي مراتب يې وړاندي کړل.
.وروسته د هرات والي خبري وکړي او پرونی تروریستي برید يې یو غیر انساني او اسلامي عمل وباله او ټینګار یې وکړ چې د علمي چارو اسانه کول او د استادانو او محصلینو لپاره خوندي چاپیریال رامینځته کول، یو اصل دی.
د هرات والي د دې مطلب په څرګندولو سره چې امنیت د دولت مسؤولیت دی او امنیتي ځواکونه په دې برخه کې په صادقانه ډول کار کوي، وویل:" زبون دښمن د ځوانانو ، ملکي وګړو ، علمي او تحصیلي موسسو په نښه کولو سره خپل ظالمانه کړنې او خلکو سره خپله دښمني ثابته کړه.
