د نويو شامل شوو محصلانو د پېژندنې محفل جوړ شو.
ساينس او هنرونو پوهنځيو د خپلو نويو شامل شوو محصلينو لپاره د پېژندنې محفل جوړ کړ.
دا محفلونه په بېلابېلو وختونو کې جوړ شول، لومړی پکې مسؤلینو محصلينو ته ښه راغلاست وويل. وروسته هرې پوهنځي د خپل پوهنځی اهداف، د کرېډېټونو لايحې، او د پوهنځي اړوند نور معلومات ورکړل.
د دغې هرې پوهنځي مسؤلینو له نويو شامل شوو محصلينو څخه وغوښتل د پوهنځي د ارام فضا په ساتلو کې له دوی سره مرسته وکړي. دغه راز له دغو محصلینو څخه وغوښتل شول چې د پوهنځي په فرهنګي کارونو او علمي برنامو کې فعاله ونډه واخلئ.
د دې پوهنځيو مسؤلینو له خپله اړخه دغه محصلينو ته وعده ورکړه چې د دوی په واک کې به هر ډول امکانات ورکړي. او دوی هم بايد د دې پوهنځيو په ارتقا او پيشرفت کې ونډه واخلي.
