د نبوي (صلی الله عليه وسلم) د ۴۰ احادیثو په نوم د خطاطۍ ځانګړی نندارتون دایر سو.

د هرات پوهنتون د ښکلو هنرونو پوهنځي د خطاطۍ-انځورګرۍ څانګې په نوښت او د تیکا دفتر په مالي همکارۍ سره د نبوي (۴۰) احادیثو په نوم یو ځانګړی نندارتون په هرات پوهنتون کي د ۵ ورځو لپاره پرانیستل سو.
د نندارتون دایر کوونکو مسؤلينو په وينا، دا نندارتون د نبوي سیرت او دیني تعلیماتو د ښه پیژندني په موخه داير سو، ترڅو د لیدونکو لپاره د الهام غوره سرچېنه وګرځي.
په دې نندارتون کي د مینیاتوري هنر له لاري د حضرت پیغمبر اکرم صلی الله علیه وسلم احاديث د خطاطي او انځورګري په مرستي سره ښکلي سوي؛ ترڅو د دین، کلتور او اسلامي هنر ترمنځ د اړيکي يوه ښکلې نمونه نورو ته ور وښودل سي.
د پلان سره سم ددې نندارتون د پای ته رسېدو وروسته به دا هنري اثار به شرعیاتو او اسلامي علومو پوهنځي ته ډالۍ کړل سي.