د مثبت ګرایی د رهبرۍ علمي ورکشاپ پيل شو.
د ادارې او پاليسي عامه پوهنځي فرهنګي کمېټې د مثبت ګرا رهبرۍ يوه ورځنی ورکشاپ د بېلابېلو ټولګيو د محصلينو لپاره جوړ کړ.
د دې ورکشاپ موخه د مديرانو او رهبرانو د ټولنې لپاره اماده کول ګڼل شوي، چې اړتيا يې د دې پوهنځي له خوا سنجول شوې وه.
دا ورکشاپ د پوهنيار سهراب مجددي لخوا په تيوريکي او عملي بڼه وړاندې شو، چې په هغه کې د مثبت ګرا رهبرۍ بېلابېل ميتودونه په کار واچول شول.
د دې ورکشاپ په پای کې محصلينو د ورکشاپ له ايجادوونکو او جوړوونکو څخه مننه وکړه او دا ډول ورکشاپونه يې د محصلینو د زده کړو په غنامندۍ کې ګټور و ارزول.
د يادونې وړ ده چې دا ورکشاپ د دې پوهنځي د ورکشاپونو ادامه ده.
