د لمانځه د فضيلتونو په باره کې يو ورځنی سيمينار

nta_new_user
شنبه ۱۴۰۳/۶/۱۷ - ۸:۳۹
img

د هرات پوهنتون د دعوت او ارشاد امريت د عالیقدر امیرالمؤمنین شيخ القران و الحديث مولوي هيبت الله اخندزاده د فرمان له مخې ټولو استادانو او اداري کارکوونکو ته د لمانځه د فضيلتونو د بيانو او د هغه د پابندۍ په باب يو ورځنی سيمينار وړاندې کړ. 
دا سيمينار د قران کريم په څو مبارکو ايتونو سره پيل شو. ورپسې د هرات پوهنتون د دعوت او ارشاد امر مولوي عبدالله طیب د امير د اطاعت په اړه خبرې وکړې او دا فرمان يې واضح کړ چې عالیقدر امیرالمومنین حفظه الله په دې فرمان کې ټولو اداري کارکوونکو ته توصيه کوي چې  لمونځ پر خپل وخت او جماعت سره وکړي. هغه دغه راز د لمانځه د فضيلت په باره کې وويل چې لمونځ د دين ستنه ده او د هغه پر جماعت سره ادا کول يو له ديني ارکانو څخه دی. 
مولوي عبدالله طیب دغه راز زياته کړه چې لمونځ په جماعت سره کول د يووالي سبب کېږي. 
د دې سيمينار په جريان کې د هرات پوهنتون رئيس شيخ الحديث ابوالحکمت مفتي عبدالغفار هم د اسلامي اصولو او اسلامي سياست په اړه هر اړخيزې خبرې وکړې. په دغو دواړو اصولو کې يې د پوهنتون د استادانو او اداري کارکوونکو نقش بارز وباله او ويې ويل چې دا دواړه قشر بايد محصلينو ته يوه الګو وي. 
د هرات پوهنتون رئيس شيخ الحديث ابوالحکمت مفتي عبدالغفار دغه راز زياته کړه چې په پوهنتون کې بايد په تمامه مانا ديني او اسلامي اصولو ته پاملرنه وشي. 
د دې سيمينار په پای کې شيخ الحديث ابوالحکمت مفتي عبدالغفار د سيمينار له ګډون کوونکو څخه وغوښتل چې په جماعت سره د لمونځ کولو او د پوهنتون په نظم کې بايد هڅاند واوسي. ځکه لمونځ ټولنې ته د نېکمرغۍ راوړلو سبب کېږي. 

تازه خبرونه

چهارشنبه ۱۴۰۴/۷/۲ - ۹:۴۶
Background image

د هرات پوهنتون په کادري روغتون کي د طبي اخلاقو اړوند علمي سمينار وړاندي شو

د هرات پوهنتون په کادري روغتون کي د د طبي اخلاقو اړوند علمي سمینار وړاندي شو، چي ددې سمينار څخه يې موخه د کادري روغتون د کارکوونکو د مسلکي او اخلاقي ظرفيت لوړوالي، په روغتیا خدمتونو کي. . .

چهارشنبه ۱۴۰۴/۷/۲ - ۹:۴۶
Background image

د ژورناليزم او عامه اړيکو پوهنځي د محصلانو ترمنځ د غوره خبريال جام د عامه اړيکو د دوهم ټولګي په اتلولۍ سره پای ته ورسېد.

د هرات پوهنتون د ژورناليزم او عامه اړيکو پوهنځي  د محصلانو ترمنځ د غوره خبريال جام د ژورناليزم څانګې د دوهم ټولګي او د عامه اړيکو څانګې د دوهم ټولګي ترمنځ ترسره شوه، چي اتلولۍ يې د يادې. . .

شنبه ۱۴۰۴/۶/۲۹ - ۱۱:۲۵
Background image

په ژورناليزم او عامه اړيکو پوهنځي کي د آنلاين پوښتنليک جوړولو سمينار وړاندي شو

د هرات پوهنتون د ژورناليزم او عامه اړيکو پوهنځي د برېښنايي زده کړو او تحقيق کمېټو په ګډه همکارۍ سره د يادې پوهنځي محصلانو او استادانو ته د آنلاين پوښتنليک جوړولو اړوند يو ورځنی سمينار. . .

BACK TO NEWS